Tano dai ka mahali sa isip ko
Aga, hapon, baggi, maski sa pangitorogan ko?
Boses mo lang an sakong nadadangog
Igdi sa katahimikang nakakabongog
Tano kaya ika an kinamotan ko
Maski aram kong dai ka mapapasako?
Pinapangarap ka kada segundo,
Kada minuto, kada oras, buong buhay ko
Nuarin ka kaya mapapasako?
Nuarin makukumpleto an buhay ko?
An ika mapasako,
‘Yan lang an pinapamibi ko
Kan kita nagkarani
Nag-omapaw an sakong ogma
Kung pangitorogan lang ini,
Habo ko nang mapagmata
Matutupad kaya an sakong ilusyon?
Dadangogon kaya an sakong pamibi?
Masisimbag kaya an sakong mga hapot?
Ini gabos, sa tula ko nalang ipaaagi
© 2009
Princess Shelly Ann Carla J. Aguiman
All rights reserved
0 comments on "Mayong Simbag"
Post a Comment